EHTK - Eischt Hellef Team Kolleisch

» Hello, Dolly

Hello, Dolly - MiniAnne at the Athénée - A podcast by localradio.lu: listen

Geschrieben von Gindt Jean-Louis am 10/11/2009

» LUXEXPO

© Portail Santé
Vum 17. bis de 25. Oktober presentéiert d´EHTK op der Hierschtfoire an den Hale vun der LUXEXPO hire Projet MiniAnne™ um Stand "Les bons réflexes" vum Ministère de la Santé. Ganz am Sënn vun "Les bons réflexes" sollen d´Leit hei kuerz an einfach déi wichtegst a liewensrettend Moossnamen am Fall vun engem Häerzstëllstand bäibruecht kréien, wat jo och d´Iddi vun eisem Projet MiniAnne™ ass.

Am Laf vun der Woch sinn regelméisseg Presentatiounen, wou d´Leit selwer kënne matmaachen a üben.

Méi Informatiounen zum Stand "Les bons réflexes" : Portail Santé

Am Kader vun der Hierschtfoire huet den EHTK mat Hëllef vum Här Jean-Louis Gindt (Reliounsprofesser am Kolléisch) e klenge Flyer erstallt, deen d´Wichtegkeet vun der Reanimatioun ënnersträicht an oprifft fir Häerzmassage a Beootmung ze léieren: Et ass einfach a jiddereen kann et!

Dëse Flyer kréien d´Leit op de Foire ausgedeelt: Flyer ukucken

Geschrieben von Mousel Henri am 15/10/2009

» Neit Schouljoer

Kuerz nodeems dat neit Schouljoer ugefaangen huet, huet och d´Éischt Hëllef Team seng Aarbecht rëm ugefaang. Mee och iwwer d´Vakanz war et net roueg am EHTK, vill nei Projete goufen och an der Vakanz weider gefouert, sou datt lo mam Schoulufank schon en groussen Deel prett ass.

Projet MiniAnne™

Am meeschte gedoen huet sech an eisem Reanimatiounsprojet MiniAnne™ ënnert der Leedung vum Här Jean-Louis Gindt. Net nëmmen datt de Projet dëst Joer soll wei schon gewinnt weidergefouert ginn, mä och zwee nei grouss Evenementer sinn dobäi komm.

Den 2. an 3. Oktober fueren den Här Jean-Louis Gindt als Matgrënner vum Projet an den Tom Barnig als Vertrieder vum EHTK op Köln op den ERC-Kongress (European Resuscitation Council) fir eise Projet do dem groussen an och internationale Public ze presentéieren. Mat Hëllef vun de Beruffspompjeeë vun der Staat Lëtzebuerg krute mer d´Geleeënheet fir do eise Projet ze presentéieren an sou och nei Erfahrungen zum Thema "Reanimatioun an Defibrillatioun" ze sammelen. Méi Informatiounen dozou kommen sou séier wei méiglech. (erc.edu)

Kuerz dono steet direkt een zweete grousse Projet um Programm, well d´EHTK de Projet MiniAnne™ och dëst Joer op der Hierschtfoire an der LuxExpo um Kierchbierg vum 17. bis de 25. Oktober presentéiert. Op Ufro an an Zesummenaarbecht mam Ministère de la Santé, presentéiert d´EHTK op der Foire de Projet a bitt de Leit d´Méiglechkeet aktiv deelzehuelen. Méi Informatiounen dozou an och genau Auerzäite kommen sou séier wei méiglech.

Coursen 2009-2010

Och dëst Joer sinn rëm eemol an der Woch Coursë fir eis aktiv Memberen, fir stänneg an der Übung ze bleiwen an d´Éischt Hëllef Moossnamen net ze vergiessen. Dës Coursë ginn dëst Joer rëm vun deene méi alen an erfuere Schüler gehalen an Zesummenaarbecht mam Chef vum EHTK dem Här Henri Mousel an de Beruffspompjeeën aus der Stad Lëtzebuerg.

Natierlech ass een aktuellt Thema fir d´EHTK d´Schwéngsgripp. All eis Membere kréien sou séier wei méiglech matgedeelt, wei se sech an engem Fall solle verhalen a wat fir Moossnamen ze ergräife sinn. Dës Moossname baséieren op de Consignen déi de Ministère de la Santé fir d´Schoulen erausbruecht huet.

D´Éischt Hëllef Team ass also beschtens virbereet fir een neit spannend Schouljoer unzetrieden.

Geschrieben von Barnig Tom am 18/09/2009